Ուկրաինայի չեմպիոն Դոնեցկի "Շախյորը" շարունակում է իր ուսումնամարզական հավաքը, որը թիմն անց է կացնում Ավստրիայում:
Ուսումնամարզական հավաքի շրջանակներում "Շախտյորը" մասնակցում է այսօր մեկնարկած միջազգային ընկերական մրցաշարին, որը կրում է Salzburger Land Cup-2011 անունը: Մրցաշարի մեկնարկային խաղում, որը կայացավ այսօր, "Շախտյորին" դիմակայում էր Վիենայի "Աուստրիան":
Հայաստանի ազգային հավաքականի կիսապաշտպան Հենրիխ Մխիթարյանը խաղադաշտ դուրս եկավ հանդիպման մեկնարկային րոպեներից եւ արդեն 20-րդ րոպեին մեր հավաքականի առաջատարը բացեց խաղի հաշիվը` հմտորեն օգտագործելով խորքից Տեյշեյրայի կատարած փոխանցումը:
Հենրիխ Մխիթարյանի գոլն սկիզբ դրեց իր թիմի հաղթանակին, որը մրցակցի նկատմամբ առավելության հասավ 3-1 հաշվով եւ հաղթանակով մեկնարկեց ընկերական մրցաշարում:
Հայաստանի ազգային հավաքականի առաջատարը փոխարինվեց հանդիպման 72-րդ րոպեին: