Հայաստանի հավաքականի թեկնածու Վալերի Ալեքսանյանը վերջերս տեղափոխվեց իրանական «Սանատ Նավթ» և ներկայումս մասնակցում է թիմի ուսումնամարզական հավաքին։ ArmSport.am-ի հետ զրույցում «Ուլիսի» նախկին պաշտպանը կիսվեց առաջին տպավորություններով և խոսեց իր նախկին թիմի մասին։
- Արդեն տեղյակ եք, որ «Սանատ Նավթ» տեղափոխվեցի Լևոն Պաչաջյանի միջոցով։ Շնորհակալ եմ Լևոնին և նրա գործակալին, որ նպաստեցին պայմանագրի կնքմանը։
- Ի՞նչ տպավորություններ ունես Իրանից ևիրանական ֆուտբոլից։
- Շատ կարևոր է, որ «Սանատ Նավթում» ես մենակ չեմ։ Լևոնն այստեղ է և եթե որևէ դժվարություն է լինում, նրա միջոցով հեշտությամբ հաղթահարում եմ։ Թիմից առաջին տպավորությունները դրական են։ Համերաշխ կոլեկտիվ է։ Ինչ վերաբերում է մարզումներին, ապա ներկայումս ուսումնամարզական հավաք ենք անցկացնում։ Օրական 2 մարզում է տեղի ունենում։ Չէի ասի, թե ահռելի տարբերություն կա Հայաստանի հետ, սակայն շատ բաներ մարզումներում այլ է։
- Պաչաջյանը ընտանիքով է բնակվում Իրանում։ Դու և՞ս մտադիր ես ընտանիքդ տեղափոխել Իրան։
- Այո։ Ընթացիկ ուսումնամարզական հավաքից հետո կունենանք ևս մեկ հավաք, որի ավարտից հետո արդեն ընտանիքս կմիանա ինձ։
- Այժմ անդրադառնանք «Ուլիսին»։ Ինչպե՞ս բաժանվեցիր հայկական թիմից։
- Շատ շնորհակալ եմ «Ուլիսին», քանի որ ինձ թույլ տվեցին, որ ես տեղափոխվեմ «Սանատ Նավթ»։ Այժմ էլ հետաքրքրվում եմ թիմի ելույթներով, շփվում եմ տղաների հետ։ «Ուլիսը» շարունակում է մնալ իմ ուշադրության կենտրոնում։
- Երեկ ավարտվեց Հայաստանի առաջնության առաջին կեսը։ «Ուլիսը» եզրափակեց լավագույն եռյակըև միայն լրացուցիչ ցուցանիշներով է զիջում երկրորդ տեղում ընթացող «Փյունիկին»։Որքանո՞վ եսիրատեսական համարում չեմպիոն դառնալու հնարավորությունները։
- Առաջին շրջանը «Ուլիսը» կարող էր և առաջին տեղում ավարտել, բայց դեռ երկար ճանապարհ կա մինչև վերջին տուրը և ոչինչ չեմ բացառում։ Միայն վստահ եմ, որ թիմը կրկին կլինի լավագույն եռյակում։
- Շուտով «Ուլիսը» կսկսի ելույթները Եվրոպայի լիգայում։ Ինչպես ես գնահատում թիմիհնարավորությունները հունգարական «Ֆերենցֆարոշի» հետ դիմակայությունում։
- Մրցակցի վերաբերյալ բարդ է կարծիք հայտնելը, ուստի հնարավորությունները հավասար եմ գնահատում։ Դրական է այն, որ առաջին հանդիպումը «Ուլիսը» կանցկացնի մրցակցի հարկի տակ։ Բացի այդ, նախորդ տարի «Ուլիսը» հանդես է եկավ Եվրոպայի լիգայի խաղարկությունում և որոշակի փորձ ձեռք բերեց։ Կարծում եմ, որ այս տարի տղաների գործողություններում լարվածություն չի նկատվի։