"Յուվենտուսը” պատրաստ է 70մլն եվրո ծախսել ամառային միջմրցաշրջանում նոր ֆուտբոլիստներ ձեռք բերելու նպատակով: Տվյալ որոշումը կայացվել է "Ծեր Սինյորիայի” տնօրենների խորհրդի նիստի ժամանակ:
Նման քայլի պատճառ է հանդիսացել այն փաստը, որ "բյանկոներին” նախորդ մրցաշրջանի արդյունքում 60մլն եվրոյի կորուստ է կրել` հերթական անգամ չկարողանալով որակավորվել Չեմպիոնների լիգայի խաղարկությունում:
Նախօրեին "Յուվենտուսը” 37,5 մլն եվրո է ծախսել` ձեռք բերելով հարձակվողներ Ալեսանդրո Մատրիի, Ֆաբիու Կվալյառելայի, պաշտպան Մարկո Մոտայի և կիսապաշտպան Սիմոնե Պեպեի հանդեպ իրավունքները: Ընդ որում "բյանկոներին” այդ գումարը կարող է վճարել 3 տարվա ընթացքում:
Հիշեցնենք, որ թիմի կազմն արդեն համալրել են Անդրեա Պիրլոն, Ռետո Ցիգլերը և Միկելե Պացիենցան: Հարկ է նշել, որ "Յուվենտուսը” անվճար է ձեռք բերել այս երեք ֆուտբոլիստներին:
