Главная » 2011 » Июль » 3 » Գեւորգ Ղազարյանն իր հերթական գնդակն է խփել Մետալուրգի կազմում
17:35
Գեւորգ Ղազարյանն իր հերթական գնդակն է խփել Մետալուրգի կազմում
Ավստրիայում կայացած իր ուսումնամարզական հավաքն ավարտեց նաեւ Դոնեցկի "Մետալուրգը", որի կազմում հավաքին մասնակցում էին նաեւ Հայաստանի ազգային հավաքականի 3 ֆուտբոլիստներ:
Հավաքի շրջանակներում "Մետալուրգն" այսօր անցկացրեց իր վերջին ստուգողական հանդիպումը, որտեղ նրա մրցակիցն էր ավստրիական "Կապֆենբերգը" եւ հավաքն ավարտեց խոշոր հաշվով տարած հաղթանակով:
"Մետալուրգի" մեկնարկային կազմում խաղադաշտ դուրս եկան նաեւ Մարկոս Պիզելին եւ Գեւորգ Ղազարյանը, ովքեր հանդիպման երկրորդ կեսում փոխարինվեցին. 62-րդ րոպեին խաղադաշտը լքեց Գեւորգ Ղազարյանը, իսկ 77-րդ րոպեին փոխարինվեց նաեւ Մարկոս Պիզելին: "Մետալուրգի" կազմում ընդգրկված Հայաստանի հավաքականի երրորդ ներկայացուցիչը` Կառլեն Մկրտչյանը, խաղադաշտում հայտնվեց հանդիպման 71-րդ րոպեին:
Այս խաղում Դոնեցկի "Մետալուրգն" իր մրցակցի նկատմամբ առավելության հասավ 3-0 հաշվով, իսկ տարած հաղթանակին նպաստեց նաեւ հանդիպման 15-րդ րոպեին Գեւորգ Ղազարյանի խփած գնդակը:
Ուրախալի է, որ մեր ֆուտբոլիստները հաջող եւ արդյունավետ գործեցին "Մետալուրգի" անցկացրած ստուգողական խաղերում, ինչը հույս է ներշնչում, որ նույնպիսի արդյունավետությամբ մեր հավաքականի ֆուտբոլիստները կգործեն նաեւ Ուկրաինայի մեկնարկելիք առաջնությունում:
ManUcoz.Ru - это ресурс посвященный исключительно информации, касающейся футбольных трансферов. Наша цель - собрать воедино все основные трансферы футбола и слухи футболистов об их уходе с той или иной команды.