«Յուվենտուսը» ցանկանում է իր պաշտպանության կենտրոնն ուժեղացնել «Չելսիի» բրազիլացի ֆուտբոլիստ Ալեքսի տեղափոխությամբ: Ֆուտբոլիստն ինքը ևս դեմ չէ միանալ «Ծեր Սինյորային»:
«Ես տեղյակ եմ, որ «Յուվենտուսը» հետաքրքրվում է ինձանով, սակայն կարծում եմ` նրանք ցանկանում են ինձ վերցնել վարձավճարով, սակայն դա չի կարող լինել իրական այլընտրանք իմ և «Չելսիի» համար»,-Sky Sport 24-ի հետ զրույցում նշել է Ալեքսը:

«Իմ գործակալը կապ է հաստատել «Յուվենտուսի» հետ: Ես արդեն 29 տարեկան եմ, և իմ տեղափոխությունը հիանալի հնարավորություն է : Ես միշտ ցանկացել եմ խաղալ Իտալիայում և հուսով եմ` իմ երազանքն իրականություն կդառնա մինչ կարիերայիս ավարտը»:
«Երբ ես խոսում էի իմ գործակալի հետ, նրան ասացի, որ «Յուվեն» հիանալի հնարավորություն է ինձ համար: Այժմ, այնուամենայնիվ, ամեն ինչ կախված է «Յուվեից», որը պետք է համաձայնության գա «Չելսիի» հետ: Սակայն չեմ կարծում` «Չելսին» համաձայնի վարձավճարով տարբերակին»,-նշել է բրազիլացի պաշտպանը: