Իտալական և արտասահմանյան մամուլում չեն դադարում խոսակցությունները` կապված «Համբուրգի» հոլանդացի կիսապաշտպան Էլյերո Էլիայի` «Յուվենտուս» տեղափոխության հետ:
Ինչպես տեղեկացնում է De Telegraaf-ը, Էլիայի տեղափոխության հարցերով զբաղվող Fair Deal Sportsmanagement-ի ղեկավար Կլաուս Վինկըհայտարարել է, որ իր հաճախորդը հետաքրքրված է անգլիական Պրեմիեր լիգա տեղափոխվելու մեջ: Վինկը նաև հավելել է, որ իրենք երկու առաջարկներ ունեն անգլիական թիմերից, սակայն քիչ ժամանակ է մնացել մինչ սեպտեմբերի 1-ը:
Նշենք, որ «Յուվենտուսի» հետ մեկտեղ Էլիայի ծառայություններով լրջորեն հետաքրքրված է Ստամբուլի «Գալաթասարայը», որը պատրաստ է «Համբուրգին» վճարել 9 մլն եվրո` հոլանդացու տեղափոխության համար:
Վինկը հաստատել է, թե իրենք այժմ բանակցում են «Յուվենտուսի» հետ և հավելել, որ պայքարին միացել է նաև «Գալաթասարայը», ինչպես նաև ընդգծել, որ Էլիան ցանկանում է տեղափոխվել Անգլիա:
Juventus.am