Главная » 2011 » Август » 25 » ՄՈՎՍԻՍՅԱՆ. “ՀՊԱՐՏՈՒԹՅՈՒՆ ՉՈՒՆԵՑՈՂ ՖՈՒՏԲՈԼԻՍՏՆԵՐԸ ՊԵՏՔ ՉԵՆ ՀԱՎԱՔԱԿԱՆԻՆ”
13:00
ՄՈՎՍԻՍՅԱՆ. “ՀՊԱՐՏՈՒԹՅՈՒՆ ՉՈՒՆԵՑՈՂ ՖՈՒՏԲՈԼԻՍՏՆԵՐԸ ՊԵՏՔ ՉԵՆ ՀԱՎԱՔԱԿԱՆԻՆ”
Հայաստանի հավաքականի և ռուսական «Կրասնոդարի» հարձակվող Յուրա Մովսիսյանը, պատասխանելով Lifesport.ru կայքի թղթակից Անդրանիկ Քերոբյանի հարցերին, իր կարծիքն է հայտել Խոակին Բողոսյանի նման այն սփյուռքահայ այն ֆուտբոլիստների մասին, որոնք չեն ցանկանում խաղալ Հայաստանի հավաքականում. «Ես Հայաստանի հավաքականն ընտրեցի սրտով և իմ գլխավոր նպատակն էր բարձրացնել Հայաստանում ֆուտբոլի մակարդակը: Ինչ վերաբերվում է առանձին ֆուտբոլիստներին, ապա կարծում եմ, որ եթե իրենք իրենց իսկական հայ համարեին, ապա անպայման կխաղային մեր հավաքականում: Ֆուտբոլիստները, որոնց մոտ բացակայում է հպարտության զգացումը, պետք չեն մեզ թիմում»,- կտրուկ արտահայտվել է Մովսիսյանը:
24-ամյա հարձակվողն իր կարծիքն է հայտնել Մունդիալ-2014-ի ընտրական փուլում Հայաստանի հավաքականի մրցակիցների մասին. «Կարծում եմ, որ վիճակահանությունը հաջող էր Հայաստանի հավաքականի համար: Եթե մենք ցանկանում ենք անուն ունենալ ֆուտբոլային աշխարհում, մենք պետք է հաղթենք ուժեղ թիմերին: Մալթային և Անդորրային հաղթելով անուն չես ստեղծի: Ընդհանուր առմամբ խումբն ուժեղ է, բայց ես համոզված եմ, որ եթե մենք մեր լավագույն ֆուտբոլը ցույց տանք, շատ բանի կարող ենք հասնել»,- վստահեցրել է Մովսիսյանը:
ManUcoz.Ru - это ресурс посвященный исключительно информации, касающейся футбольных трансферов. Наша цель - собрать воедино все основные трансферы футбола и слухи футболистов об их уходе с той или иной команды.