Սեպտեմբերի 8-ին տեղի կունենա Իտալիայիա ամենասիրված ակումբի` «Յուվենտուսի» նոր մարզադաշտի բացումը:
«Յուվենտուս Արենայում» այդ օրը կկայանա «Յուվենտուս»-«Նոթս Քաունթի» ընկերական հանդիպումը: «Յուվենտուս» պաշտոնական կայքը մանրամասնում է այդ օրվա միջոցառումների ցանկը և որոշ տվյալներ հաղորդում տոսմերի վաճառքի մասինն: Տոնական միջոցառումները չեն սահմանափակվի միայն «Նոթս Քաունթիի» հետ ընկերական խաղով: Բացւ այս հանդիպումից, տեղի կունենա նաև այլ ուշագրավ իրադարձություններ` նվիրված ակումբի հիմնադրման 114-րդ ամյակին: Մասնավորապես, տիֆոզիները կկարողանան անձամբ տեսնել «Յուվեի» 50 լեգենդներից շատերին: Միևնույն ժամանակ մարզադաշտի բացման արարողությանը ներկա կլինեն մի շարք հայտնի հյուրեր: Միջոցառումների շարքը կմեկնարկի երևանյան ժամանակով 22:45-ին և պետք է ավարտվի 02:30-ին: «Յուվենտուս»-«Նոթս Քաունթի» հանդիպումը մեկնարկելու է 00:30-ին: Տոմսերը վաճառքի կհանվեն օգոստոսի 23-ից` բաժանորդագրված երկրագուների, օգոստոսի 27-ից` VIP տեղերի համար: Տոմսերն ազատ վաճառքի կհանվեն օգոստոսի 31-ից: Տոմսերի արժեքների հետ կարող եք ծանոթանալ «Յուվեի» պաշտոնական կայքում` սեղմելով այստեղ:
|