Լիտվա-Հայաստան ընկերական հանդիպումից առաջ Լիտվայի հավաքականի գլխավոր մարիզչ Ռայմոնդաս Ժուտաուտասը ասել է հետևյալը.
«Այս հանդիպումը հիանալի հնարավորություն կտա նախապատրաստվել սեպտեմբերին Եվրո-2012 ընտրական փուլի հանդիպումներին։ Եվ սակայն մեր ոչ բոլոր խաղացողներն են լավ վիճակում մոտենում այս հանդիպմանը, մենք կփորձենք նախագծել այն դասավորվածությունը, որը կօգտագործենք մոտակա պաշտոնական հանդիպումներում։ Կարևոր է, որպեսզի մենք կարողանանք օգտագործոլ նաև գոլային պահերը, ամենաքիչը մեկ գոլ», - ասել է Ժուտաուտասը։
Խոսելով Հայաստանի հավաքականի մասին՝ Ժուտաուտասը նշել է, որ մեր թիմը շատ կազմակերպված խաղ է ցուցադրում. «Հայաստանի հավաքականը մի քանի առաջատարներ ունի, բայց կենտրոնանալ նրանց վրա սխալ կլիներ։ Հարձակման գծում շատ վտանգավոր են գործում Յուրա Մովսիսյանը և Մարկոս Պիզելին։ Կիսապաշտպանությունը Հենրիխ Մխիթարյանի գլխավորությամբ շատ կազմակերպված է գործում և շատ արագ կարող է անցնել հարձակման։ Նրանք թիմային խաղ են ցուցադրում» - ասել է լիտվացի մասնագետը։
Լիտվայի հավաքականի և Կիևի «Արսենալի» կիսապաշտպան Սայլիուս Միկոլիունասը ասել է, որ տեսել է հայկական թիմի խաղը Ռուսաստանի հավաքականի դեմ. «Այդ հանդիպմանը հայերը մի քանի գոլային պահեր ունեին։ Դա թիմ է, որ խաղացողները միշտ փորձում են գրավել հակառակորդի դարպասը։ Ես կարծում եմ, որ մեզ շատ դժվար հանդիպում է սպասվում»։