Ֆրանսիացի հարձակվող Դավիդ Տրեզեգեն, ով երկար տարիներ մեծ հաջողությամբ հանդես է եկել «Յուվենտուսի» կազմում, ըստ ամենայնի, կարիերան կշարունակի Արաբական Միացյալ Էմիրություններում, փոխանցում է The National-ը:
33-ամյա ֆուտբոլիստն առաջիկա մի քանի օրերի ընթացքում պայմանագիր կստորագրի «Բանի Յաս» թիմի հետ:
Տրեզեգեի պայմանագիրը նախատեսված կլինի 1 տարվա համար, որի դիմաց վերջինս կստանա 1,7 մլն եվրո:
«Բանի Յասի» ներկայացուցիչները հաստատել են, որ ֆրանսիացի հարձակվողն արդեն Աբդու Դաբիում է և բուժզննում է անցնում:
Տրեզեգեի ծառայություններով հետաքրքրվում էին «Լացիոն», «Նապոլին», «Վոլֆսբուրգը», «Անժին», «Թերեքը» և այլ թիմեր:

Նշենք, որ Տրեզեգեն «Յուվեի» կազմում հանդես է եկել 2000-2010 թվականներին` դառնալով ակումբի ամենաարդյունավետ լեգեոները: Վերջինս սև-սպիտակ մարզաշապիկը հագել է 320 անգամ և դարձել 171 գոլի հեղինակ:

Juventus.am