«Յուվենտուսի» նորեկ Արտուրո Վիդալը, ով «Միլանի» դեմ իր անդրանիկ խաղում դարձավ գոլի ու գոլային փոխանցման հեղինակ, La Gazzetta dello Sport-ի հետ զրույցում նշել է, որ «բիանկոներիները» կարող են նվաճել «սկուդետոն»:
«Ես ինձ լավ եմ զգում պաշտպանության կենտրոնական ճակատում, սակայն առանց խնդիրների կարող եմ հետևել մարզչի ցուցումներին: Հուսով եմ` կդառնամ հիմնական կազմի խաղացող, սակայն գոհ կլինեմ նաև պահեստայինների նստարանից փոխարինման դուրս գալուց»,-նշել է չիլիացի կիսապաշտպանը և անդրադարձել իր թիմակիցներին.
«Դել Պիերոն ու Պիրլոն իսկական չեմպիոններ են: Նրանց հետ խաղալն ուղղակի աներևակայելի է, թիմն ուժեղ է, ցանկանում է հեռուն գնալ: Երջանիկ եմ, որ այստեղ եմ»:
«Յուվեն» պետք է «Միլանի» ու «Ինտերի» պես ուժեղ դառնա: Մենք կարող ենք դիմանալ մրցակցությանը և նվաճել «սկուդետոն»,-հավելել է Վիդալը: