Այսօր «Յուվենտուսի» սպորտային տնօրենՋուզեպե Մարոտան անդրադարձել է թիմի տրանսֆերային քաղաքականությանը և սպասվող ձեռբերումներին, փոխանցում է Calcionews24-ը:
«Մինչ տրանսֆերային պատուհանի ավարտը «Յուվեն» կհամալրվի առնվազն երկու ֆուտբոլիստներով: Բայց մենք կարող ենք ձեռք բերել նաև երրորդ ֆուտբոլիստին»,-նշել է Մարոտան:
Վերջինս խոսել է նաև «Չեզենայի» հարձակվողԷմանուելե Ջակերինիի հնարավոր տեղափոխության մասին: «Անկեղծ ասած, Ֆուտբոլային լիգայի նիստին չեմ մասնակցում տեղափոխություններ քննարկելու համար, սակայն միշտ հաճելի է շփվել գործընկերներիս հետ: Գիտենք, որ թիմում պակասում են մի քանի տարրեր»:
«Նա միակ ֆուտբոլիստը չէ, ում դիտարկում ենք այդ դիրքում»,-նման կերպ է պատասխանել «Սևիլիայի» կիսապաշտպան Դիեգո Պերոտիի տեղափոխության վերաբերյալ հարցին «Յուվեի» սպորտային տնօրենը: